![[info]](http://l-stat.livejournal.com/img/userinfo.gif)
unending_abyss- July 17th, 13:29
Eto na naman ako, magsisimula ng panibagong entry sa blog kong since 2005 pa ata pero kung magpost naman ng entry eh years apart naman ata. Akalain mo, ang last entry eh 2007 pa ata? Ang galing nga, exactly 2 years ago ngayong araw na to yung huli kong post dito. At ang entry ko pa eh, "Buhay pa ako." Hindi ko naman hahayaang ang huling ipopost ko dito sa blog ko eh isang linya lang na ganun, ang corny naman. Kaya sa abot ng aking makakaya, magsisimula na ulit ako magpost dito sa aking blog ng kung ano-ano lang na maisipan. Mga kwento ng buhay ko, mga tula, mga joke na corny, kahit ano lang. Nakakamiss din magsulat. Ang tagal at paulit ulit ko ng sinasabi sa sarili ko na "magsisimula na ulit ako magsulat", pero lagi naman akong dinadatnan ng katam. Simula nung huli kong sulat dito nung 2007 ng isang linyang walang kakwenta kwenta, eto ang mga "makabuluhang" nangyari sa buhay ko:
nagkaroon ng mga bagong kaibigan at bagong classmates, lumipat ng dorm mula rosarito-papuntang navarra-papuntang concepcion, nagpuyat para mag-aral sa biology ni sir olivar, lumusong sa baha sa apat na kanto ng ust, kasama na dun yung pagtikim ng tubig baha dahil sa pagkakaroon ng "wave" nung may dumaang bus sa espana na ikinatuwa ng mga batang nagswiswimming sa baha, nagkaroon ng bagong banda, gumawa ng mga kanta at mga jingle na papanisin ang mga kanta ni lito camo, naharas ng mga bading sa ojt, naharas ng mga bading sa kanto ng hi-top supermarket, naharas ng mga bading at mga bugaw at prosti sa harrison plaza ng walang kamalay malay, naggym-huminto-naggym-huminto-naggym-huminto, tumabaaaa-pumayaaat, nagbasketball na uli ng sangkatutak, nasiraan ng sandamakmak na sapatos na binili sa cartimar kakalaro, dumaan ang dalawang paskuhan na nagenjoy naman sa pareho pero magkaiba ang kasama sa pareho, naging officer ng classroom at ng org ng aming course, "natuto" kay sir jogar, mam tuble, at marami pang iba, nasugatan ng maraming beses sa sari-saring dahilan, nakipagbreak sa gerlpren, nainlab ule, bumili ng sangkatutak na tsokolate, bulaklak, at kung ano ano pa, nabiyak ang puso(ULIT), umiyak, nakarating sa kung saan-saan at kumain kung saan-saan(hindi naman natyphoid ule), nakipagtawanan, nakipagkwentuhan at nakipagtsismisan sa mga kaibigan, at higit sa lahat, nagpasalamat kay Lord sa lahat ng nangyare, sa lahat ng biyaya at sa lahat ng napagdaanan sa 2 taon na hindi ako nagpost sa blog na to. Marami pang nangyari, pero hindi ko na kayang ikwento dahil baka abutin ako ng bukas dito sa computer shop dahil ngayon pa nga lang overbudget na at 50 pesos na ang babayaran ko. At yung iba, hindi ko na matandaan! Lahat ng mga "makabuluhang" nilagay ko dito, gaano man kaliit o kalaking bagay, ang importante sa lahat, meron akong natutunan.
O meron nga ba? Haha!
Paalala: Wag dadaan ngayon sa dapitan, laong laan o sa palibot ng ust. BAHA! Kayo rin, baka makaencounter pa kayo ng lumulutang na tae ng aso o tao.
contemplative
cold
sleepy
gloomy
okay
thankful
depressed
tired
bored
lonely